RESPOSTAS DO TEMA 5 (COÑECEMENTO DO MEDIO)

1. O medio ou ambiente dun ser vivo é todo aquilo que o rodea e que inflúe de algún modo na súa vida.

Está composto polo medio físico e o medio biolóxico.

2. O medio físico está constituído polo conxunto de compoñentes non vivos ou inertes.

Os seus compoñentes máis importantes son: a auga, o aire, o solo, a luz e a temperatura.

A auga é necesaria para os seres acuáticos e terrestres porque unha gran cantidade do seu corpo está formado por auga.

O aire contén osíxeno e dióxido de carbono. Os seres vivos necesitamos osíxeno para respirar e o dióxido de carbono é utilizado polas plantas para fabricar o seu propio alimento. Ademais, o aire serve para que os paxaros se sosteñan.

O solo é indispensable para as plantas porque se sosteñen nel a súa raíz. Ademais, contén a auga e as sales minerais necesarias para fabricar o seu alimento.

A luz é imprescindible para que as plantas realicen a fotosíntese. Ademais, os seres vivos poden ver grazas a ela.

A temperatura é moi importante para a supervivencia dos seres vivos porque poucos deles poden vivir en temperaturas extremas (demasiado altas ou baixas).

3. O medio biolóxico é o conxunto de seres vivos que se relacionan entre sí e producen efectos beneficiosos ou prexudiciais entre eles.

4. Relación de alimentación, competencia e cooperación.

Relación de alimentación: uns seres vivos aliméntanse dos outros.

Relación de competencia: compiten por cousas. Por exemplo: a parella, o territorio ou alimento. Todos saen prexudicados.

Relación de cooperación:  se axudan mutuamente para conseguir máis alimento e defenderse dos seus inimigos. Todos saen beneficiados.

5. A adaptación do medio consiste en adquirir unhas características propias para adaptarse a un medio concreto.

6. Unha comunidade biolóxica é un conxunto de organismos que comparten un espazo determinado e establecen relacións intensas entre si.

7. O conxunto formado por unha comunidade biolóxico e o medio físico chámase ecosistema.

8. Cadea alimentaria: relación que se dá entre varios seres vivos dun ecosistema cando se alimentan un doutro.

Rede alimentaria. Conxunto de cadeas alimentarias que se combinan nun ecosistema.

9. As relacións directas que exerce o ser humano sobre os ecosistemas son: a caza, a pesca, a corta de árbores e a transformación dos ecosistemas naturais en terras de cultivo ou poboacións. 

10. Un contaminante é unha substancia engadida ao medio que causa algún daño ao ser humano ou a outros organismos. Por exemplo: a gasolina, automóbiles e fábricas.

11. Hai seres vivos en perigo de extinción pola falta de presas, pola caza, pola destrucción do seu ambiente, etc.

12. Un parque natural é unha zona protexida que temos que coidar con especial atención. Por exemplo, Verdes, As Fragas do Eume, as Dunas de Currubedo, o parque de Doñana e Cabárceno.

13. Algunhas das accións que podemos realizar para protexer o medio ambiente son:

-non arrancar plantas ou talar arbores

-non tirar lixo ao chan

-coidar as plantas e respectar os animais

-botar as pilas, aceites, cartuchos de tinta, etc ao punto limpo

14. Algún exemplo de recurso natural abundante é por exemplo:

-a enerxía do sol

-o aire

Algún exemplo de recurso natural escaso é por exemplo:

-a auga

15. Para aproveitar mellor os recursos que nos ofrece a natureza temos que reciclar separando o lixo dos papeis, o vidrio dos envases metálicos e o plástico. Nas plantas de tratamento de residuos serán reciclados e así evitaremo o esgotamento dos recursos naturais.